«Қазақстан Барысы-2024»: Үздік 16 балуан анықталды

АСТАНА. KAZINFORM – Астана қаласында Республика күніне орай қазақ күресінен өтіп жатқан «Қазақстан барысы-2024» республикалық турнирінің 1/8 финалға шыққан үздік 16 балуан белгілі болды.

Дәл қазіргі уақытқа дейін 26 балуан жарысты аяқтап, үздік ТОП-16-ға енген балуандардың есімі белгілі болды.

Олар:

Мәди Еділбаев (Алматы облысы), Саят Шамшиев (Абай обл.), Қайсар Шамшидинов (Түркістан обл.), Ерасыл Нұғұмат (Ұлытау обл.), Мухтар Далелханулы (Павлодар обл.), Нұрдәулет Жарылғапов (Маңғыстау обл.), Марат Байкамуров (Әскер барысы), Ерасыл Қажыбаев (Абай обл.), Ерасыл Қажыбаев (Абай обл.), Ерсұлтан Мұзаппаров (Шымкент қ.), Айбек Серікбаев (Қызылорда обл.), Өріс Адибан (Алматы обл.), Адиль Оразбаев (Әскер барысы), Ғалымжан Қырықбай (Әскер барысы), Мақсат Исағабылов (Қызылорда обл.), Нұрдәулет Айсағалиев (Астана қ.).

Енді сәлден кейін ширек финалға шыққан балуандар белгілі болады.

Аталған турнирдің жеңімпазына - 15 000 000 теңге берілсе, 2-орын алған спортшы - 3 300 000 теңгеге ие болады. Ал 3-орынға қол жеткізген балуан 1 080 000 теңге көлемінде сыйақы алады. Сонымен қатар әр балуан әр белдесуде жеңіске жеткені үшін тағы 100 000 теңгеден алып отырады.

Жалпы «Қазақстан барысы-2024» республикалық турнирдің жүлде қоры 27 100 000 теңге. Аталған турнирде жеңіске жеткен балуандардың бапкерлері де сыйақысыз қалмайды. 3 720 000 теңге спортшылардың жаттықтырушыларына беріледі.

Аталған ірі дода 26 қазан күні «Барыс-Арена» стадионында өтіп жатыр.

Естеріңізге сала кетсек, осыған дейін аталған турнирде бақ сынап жатқан балуандар арасында ең ауыр, ең жеңіл, ең жас, ең жасы үлкен, ең үзын және ең қысқа бойлы балуандар туралы жазған едік.