Қазақстан ЕАЭО-ға ауыл шаруашылығы өнімдерін негізгі жеткізуші бола алады - В.Рахманин

АСТАНА. ҚазАқпарат - ҚР Президенті Нұрсұлтан Назарбаевтың әлемдік экономикаға деген терең стратегиялық көзқарасы бар. Бұл туралы БҰҰ Азық-түліктік және ауыл шаруашылығы ұйымының (ФАО) Еуропа және Орталық Азиядағы өңірлік өкілі Владимир Рахманин мәлімдеді.

Ол жаңа әлемдік дағдарыс толқыны қарсаңында жарияланған Мемлекет басшысының «Нұрлы жол» атты халыққа Жолдауына жоғары баға берді.

В. Рахманиннің пікірінше, біздің елдің Дүниежүзілік банкпен, АДБ, ИДБ, ЕҚДБ-мен ынтымақтастығы кеңейді, сонымен бірге шағын және орта бизнесті қолдау арқылы Қазақстан ЕАЭО аясында өңірде ауыл шаруашылығы өнімін негізгі жеткізуші бола алады.