Қазақстан электр энергиясын Қытай арқылы шетелге экспорттамақ
Келісім Қазақстан мен Қытайдың электр энергетика саласындағы әріптестігін кең көлемде нығайтып, электр желілері инфрақұрылымын салып, жаңа энергоресурстарды барлау мен игеруді қамтиды.
Құжатта төмендегі бағыттар бойынша зерттеу жүргізу мәселелері атап көрсетілген: Қазақстан мен Қытайдың электр энергетика саласында берік байланыс орнатып, парралельді жұмыс істеу қағидаларына көшу; Қазақстан аумағында жаңғыртымды қуат көздері және көмірмен жұмыс істейтін ірі жылу электр станцияларын салу; Қазақстаннан Қытайға электр қуатын жеткізуді ұйымдастыру; Қытай аумағы арқылы электр қуатын өзге елдерге экспорттау; Электр энергиясын жеткізуде тұрақты тоқтың ультражылдам кернеуінің озық технологияларын пайдалану; Қазақстандағы көмір, жел және күн ресурстарының өзара ықпалдастығы.
Қол жеткізген келісімдер аясында электр қуатының жабдықтары саласында технологиялар алмасып, Қазақстанда электр қуаты жабдықтарын шығаратын бірлескен өндіріс құру мүмкіндіктерін зерттеу жоспарланып отыр.
Құжатты «Самұрық-Қазына» АҚ басқарма Төрағасы Өмірзақ Шөкеев пен Қытайдың Мемлекеттік Электржелілері Корпорациясы Директорлар кеңесінің төрағасы Лю Чженья рәсімдеді.