Қазақстан ерлер құрамасы конькимен жүгіруден Азия ойындарында төртінші орын алды

АСТАНА. KAZINFORM – Қытайдың Харбин қаласында өтіп жатқан 2025 жылғы Азия ойындарында конькимен жүгіру спортынан ерлер арасындағы командалық спринт жарысы аяқталды. 

Қазақстан құрамасы атынан Алтай Жәрдембекұлы, Никита Важенин және Артур Галиев сынға түсті. Отандастарымыз жалпы есепте төртінші орын алды. 

Алтын медальді Қытай спортшылары жеңіп алса, күміс Оңтүстік Кореяға бұйырды. Жапония құрамасы үшінші орынды місе тұтты. 

Еске сала кетейік, бұған дейін әйелдер арасында 3 000 метрге сырғанаудан Надежда Морозова жүлдеге бір табан жетпей қалған еді. 

Ал, шаңғышы Олжас Климин қола жүлдеге қол жеткізіп, ел қоржынына тоғызыншы жүлдені салды.