Қазақстан ерлер құрамасы таэквондодан әлем кубогында қола алды

АСТАНА. KAZINFORM – Әлем кубогы Оңтүстік Кореяның Чхунчхон қаласында өтіп жатыр. 

Отандастарымыз қола үшін ойында Марокко құрамасынан 2:1 есебімен басым түсті. Құрама сапында сапында Бекасыл Ергеш, Абдрахман Марипов, Мерген Ғаниев, Нұрбек Ғазез ел намысын қорғады. 

Айта кетсек, қазақстандық спортшылар іріктеу кезеңінде Үндістанды жеңсе, жартылай финалда Оңтүстік Кореяға есе жіберді. 

Енді ертең, 10 шілдеде әйелдер арасындағы командалық сайыс өтеді. Қазақстандық спортшылардың алғашқы қарсыласы – қытайлық таеквондошылар. 

Әлем кубогы 7-9 шілде аралығында өтеді. Бұл командалық жарыс – таэквондодан (WT) өтетін халықаралық деңгейдегі басты турнирдің бірі. Жыл сайын аталған додаға әлемнің түкпір-түкпірінен үздік құрамалар қатысады. 

Аталған жарысқа Қазақстан ұлттық құрамасы қатысады. Олардың қатарында Ергеш Бекасыл, Қанат Альмира, Асқар Аяулым, Тәукенова Аида, Аймұқашева Камила, Марипов Абдрахман, Ғаниев Мерген, Газез Нұрбек бар.