Қазақстан фермерлер одағының басшысы ұсталды - ІІМ

АСТАНА. ҚазАқпарат - ҚР Ішкі істер министрлігі Қазақстан фермерлер одағы басшысының ұсталғанын растады, деп хабарлайды ҚазАқпарат тілшісі.

«Бұқаралық ақпарат құралдарында «Қазақстан фермерлер одағы» республикалық қоғамдық бірлестігі басшысының ұсталғаны туралы ақпарат тарап жатыр. Ішкі істер министрлігі аталған фактіні растайды», - делінген хабарламада.

Министрліктен мәлім етілгеніндей, 11 ақпан күні ҚР Қылмыстық кодексінің 120-бабы бойынша сотқа дейінгі тергеу амалдары басталған. Сот санкциясымен оны қамауға алу туралы шара қабылданды.

«Тергеу шараларының жүргізілуіне байланысты қандай да бір ақпарат таратылмайды», - деді министрліктен.