Қазақстан қор биржасында шетел валюталарына қатысты сауда көлемі артты

АЛМАТЫ. KAZINFORM – Былтыр Қазақстан қор биржасында (KASE) шетел валюталарына қатысты сауда көлемі 38 трлн теңгеге жетті. Бұл 2023 жылмен салыстырғанда 8,3 трлн теңгеге немесе 28 пайызға жоғары.

Биржа мәліметіне сәйкес, валюта айырбасын қоса есептегенде шетел валюталарына қатысты болған сауда көлемі 72 пайызға артты. 2023 жылы ол 62,7% болатын. Бұл ретте EUR/USD валюта жұбындағы сауда үлесі азайып, жыл соңында 2,7 пайызды көрсетті.

2024 жылы KASE-дегі жалпы сауда көлемінің бәсеңдегені байқалды. (389,1 трлн теңге) Сауданың нақты көлем индексі 2023 жылдың ұқсас кезеңімен салыстырғанда 5,3 % немесе 21,7 теңгеге азайды.

Осыған дейін Қазақстанның қос қор биржасы – Қазақстан қор биржасы (KASE) мен Астана халықаралық биржасының (AIX) құрылымы мен қызметі өзгеріссіз қалағаны туралы жазған болатынбыз.