Қазақстан қор биржасы ашық есік күнін өткізеді

АЛМАТЫ. 5 мамыр. ҚазАқпарат - Алматыда  19 мамыр күні Қазақстан қор биржасы (KASE) «Қор биржасындағы ашық есік күнін» өткізеді.

Аталмыш  іс-шараға KASE ұйымынан бөлек, еліміздің бірнеше брокерлік компаниялары да қатысады.  Іс-шара барысында қор биржасындағы кәсіпқой мамандардың дәрістері мен таныстырылымдары жасалады. Онда олар  қаржылық құралдар және Қазақстан қор биржасындағы  сауда-саттық, Қазақстан қор биржасы мен   ETS Еуразиялық сауда жүйесі тауар биржасы нарығы, халықтық  IPO бағдарламасы туралы жан-жақты мағлұмат беріп, түсіндірмек.