Қазақстан мен АҚШ биологиялық қауіпсіздік агенттігін құру мәселесін талқылады
ВАШИНГТОН. ҚазАқпарат – Қазақстан Елшісі Ержан Ашықбаев АҚШ Мемлекеттік хатшысының көмекшісі орынбасарының міндетін атқарушы Лаура Гросспен бейне-конференция арқылы кездесу өткізді, деп хабарлайды ҚазАқпарат.
Сыртқы саяси ведомство баспасөз қызметінің мәліметіне сенсек, сұхбат барысында тараптар халықаралық қауіпсіздік, таратпау режимін нығайту және Президент Қасым-Жомарт Тоқаевтың Халықаралық биологиялық қауіпсіздік агенттігін құру туралы бастамасын талқылаған.
Л. Гросс Қазақстанның әлемдік және аймақтық қауіпсіздікке қосқан үлесін жоғары бағалап, екіжақты ынтымақтастық алға басатынына сенім білдірді.
