Қазақстан мен Ауғанстан мәдениет саласындағы ынтымақтастықты жандандырады

АСТАНА. ҚазАқпарат - Бүгін Ақордада Ауғанстан Ислам Республикасының Президенті Мохаммад Ашраф Ганидің Қазақстанға ресми сапары аясында екі елдің арасында бірқатар құжатқа қол қойылды.

Атап айтқанда, ҚР Ішкі істер министрі Қалмұхамбет Қасымов пен Ауғанстан Төтенше жағдайлар жөніндегі мемлекеттік министрі Вайс Бармак Азаматтық қорғаныс, төтенше жағдайлардың алдын алу және оларды жою саласындағы ынтымақтастық туралы келісімді, ҚР Мәдениет және спорт министрі Арыстанбек Мұхамедиұлы мен Ауғанстан Мәдениет және ақпарат министрі Абдул Бари Джахани Мәдениет саласындағы ынтымақтастық туралы келісімді рәсімдеді.