Қазақстан мен Ауғанстанның бизнес өкілдері ынтымақтастық перспективаларын талқыламақ

АСТАНА. 8 наурыз ҚазАқпарат - 14 наурыз күні Ауғанстанның ірі кәсіпкерлері елордаға сапармен келеді, деп хабарлады Қазақстан сауда-өнеркәсіп палатасының баспасөз қызметінен.

Сапар аясында ауғанстандық бизнесмендер екіжақты іскерлік кездесулерін өткізеді. Онда қазақстандық кәсіпкерлермен құрылыс, логистика, ауыл шаруашылығы, мұнай өнімдері сынды бағыттардағы ынтымақтастық перспективаларын талқылау жоспарланған.

Аталған іс-шараға еліміздің Индустрия және жаңа технологиялар, Өңірлік даму, Ауыл шаруашылығы, Көлік және коммуникация, Экономика және бюджеттік жоспарлау министрліктерінің, сонымен қатар ұлттық компаниялар мен «Kaznex Invest» Ұлттық экспорт және инвестициялар жөніндегі агенттігі» АҚ-ның өкілдері қатысады деп күтілуде.