Қазақстан мен БҰҰ арасында БҰҰ паспорттарының иелерін визалық талаптардан босату туралы келісімге қол қойылды

АСТАНА. Қыркүйектің 17-cі. ҚазАқпарат /Қанат Мәметқазыұлы/ - Бүгін Астанада ҚР Үкіметі мен БҰҰ арасындағы БҰҰ паспорттарының (Laissez-Passer) иелерін визалық талаптардан босату туралы келісімге қол қойылды.

Келісімге ҚР СІМ Жауапты хатшысы Рәпіл Жошыбаев пен ЮНИСЕФ-тің Қазақстандағы Өкілі Ханаа Сингер ханым қол қойды.

Қ ұжаттың ресми атауы «Қазақстан Республикасының Үкіметі мен БҰҰ арасындағы БҰҰ паспорттарының (Laissez-Passer) иелерін визалық талаптардан босату туралы» келісім деп аталады. Жалпы, визалық талаптардан босату жөніндегі келісім жасасу БҰҰ-мен өзара қарым-қатынастарды одан әрі дамытудағы кезекті қадам болып саналады. Бұл ретте, Қазақстан БҰҰ-ның адамзаттың өмірлік проблемаларын шешудегі жетекші рөлін түйсіне отырып, БҰҰ-мен ынтымақтастық мәселесіне үлкен мән беретін болады.