Қазақстан мен Өзбекстан халықаралық жүк тасымалын реттеудің онлайн жүйесін енгізді

ТАШКЕНТ. KAZINFORM – Қазақстан мен Өзбекстан халықаралық жүк тасымалына берілетін рұқсат құжаттарын алмасудың электрондық жүйесін енгізді, деп хабарлайды Kazinform агенттігінің Ташкенттегі меншікті тілшісі Әлихан Асқар.

Жүк тасымалы
Фото: Александр Павский / Kazinform

Өзбекстан Көлік министрлігінің мәліметінше, елдер арасындағы жүк тасымалы процесін оңтайландыру мақсатында рұқсат бланкілерімен алмасатын «E-Permit» электрондық жүйесі іске қосылды. 

«E-Permit» жүйесін қолдану арқылы алғаш рет квоталармен алмасу процесі жүзеге асып, жүк көліктері «Яллама» кеден бекетінен өтті. Бұл жүйені «Цифрлық көлік» орталығының мамандары пилоттық режимде сәтті іске қосты», - деп мәлім етті ӨР Көлік министрлігінен.

Сондай-ақ ведомство екі ел арасындағы жүк тасымалына қолайлы жағдай жасау үшін алдағы уақытта да заманауи цифрлық технологияларды кеңінен енгізуге ерекше көңіл бөлінетінін атап өтті. 

Соңғы жаңалықтар