Қазақстан Президенті Головкин-Альварес жекпе-жегін тамашалады

АСТАНА. ҚазАқпарат - Қазақстан Президенті Нұрсұлтан Назарбаев Өзбекстанға жасаған мемлекеттік сапары кезінде Лас-Вегас қаласында өткен қазақстандық боксшы Геннадий Головкин (37-0, 33 КО) мен мексикалық Сауль Альварестің (49-1-1, 34 КО) жекпе-жегін тікелей эфирден тамашалады. Бұл туралы Ақорданың баспасөз қызметі хабарлады.

Бүгінгі жекпе-жек нәтижесінде, бір төреші Альвареске, біреуі Головкинге, ал үшіншісі екі боксшыны тең жұдырықтасты деп баға берген. Сөйтіп екі боксшы тең түсті.