Қазақстан Президентінің келуіне орай Анкара көшелері арнайы баннермен безендірілді

АСТАНА.KAZINFORM – Арнайы баннерлерде қазақ және түрік тілдерінде сәлемдесу сөзі жазылған, - хабарлайды БОРТ №1 Telegram арнасы.

Айта кетейік, Қазақстан Президенті Түркияға ресми сапармен барды.

Қасым-Жомарт Тоқаевты Анкара қаласының «Есенбоға» әуежайында Түркия Президенті Режеп Тайип Ердоған қарсы алды.

Қазақстан Президентін күтіп алу үшін трап алдында құрмет қарауылы сап түзеп тұрды.

Әуежайда екі ел президенттері аз-кем әңгімелесті.

Ертең, яғни 29 шілде күні мемлекеттер басшылары қазақ-түрік стратегиялық серіктестігін одан әрі нығайту перспективасын талқылап, келіссөз жүргізеді.