Қазақстан-Ресей шекарасында көлік кептелісі жоқ
НҰР-СҰЛТАН. ҚазАқпарат - 2021 жылғы 24 мамырдағы жағдай бойынша Ресейдің «Маштаково» автомобиль өткізу пунктінде Ресей Федерациясының аумағында кезекте тұрған жүк көліктерінің саны 5 бірлікті құрайды, деп хабарлайды ҚазАқпарат ҚР ҚМ Мемлекеттік кірістер комитетінің Telegram каналына сілтеме жасап.
«Бейтарап жолақта кезек күтіп тұрған автокөлік құралдары жоқ. Қазақстан Республикасының аумағында «Сырым» автомобиль өткізу пунктінде импорт пен экспортқа шығу кезегі жоқ»,-делінген хабарламада.
Осыған дейін Ресейдің Маштаково автомобиль өткізу пунктінде 365 жүк көлігі тізіліп тұрғандығы хабарланған болатын.
