Қазақстандық мамандар ресейліктерге салық жүйесін жетілдіруді үйретеді

АСТАНА. KAZINFORM - Бүгін екі ел мамандары Астанада бас қосып, тәжірбие алмасты. Мақсат - трансшекаралық мемлекеттердің ортақ салық модулін қалыптастыру, яғни тасымалдаушылар өткізу бекеттерінде апталап тұрмау керек.

Бұл өз кезегінде көрші елдердің бизнес субектілеріне тиімді болмақ. Тақырып алдағы уақытта ТМД мемлекеттерінің ортақ жиынында талқыланады. Әзірге нақты мәселелер анықталуда.

- Заңды және жеке тұлғалардың банкроттығы бойынша қазақстандық модульді таныстырып жатырмыз. Біздің ақпараттық жүйе мен Ресейдің базасында ұқсастық бар. Сондықтан түсінісу қиын болып жатқан жоқ. Енді ортақ проблемаларды анықтау ғана қалды. Біз өз кезегімізде нақты мәселелер тізімін дайындадық, - дейді ҚР ҚМ Мемлекеттік кірістер комитеті Дәрменсіз жұмыскерлермен жұмыс басқармасының басшысы Меруерт Сейсембаева Jibek Joly телеарнасының тілшісіне берген сұхбатында.

Осыған дейін Президенттің қоғамда қызу талқыланып жатқан салық реформасына қатысты пікірі туралы жаздық.