Қазақстан Республикасы тұрғындары арасында оба ауруы тіркелген жоқ
алдын алу және індетке қарсы іс-шараларды жүргізу туралы» Қазақстан Республикасы Бас Мемлекеттік санитарлық дәрігерінің 2009 жылғы 3 тамыздағы № 12 қаулысы қабылданды, деп хабарлайды ҚазАқпарат ҚР Денсаулық сақтау министрлігінің баспасөз қызметіне сілтеме жасап.
Аталған жұқпаның әкелінуіне және таралуына ел тұрғындары арасында жол бермеу мақсатында Қазақстан Республикасы Денсаулық сақтау министрлігі:
- Қытай Халық Республикасы бағытынан келетін жолаушылардың денсаулығында мүмкін болатын клиникалық белгілерді түсіндіріп, олардың ахуалына бақылауды күшейте отырып, әуе, темір жол және автомобиль көлігіндегі санитарлық-карантиндік пунктердің ұдайы дайындығын қамтамасыз етуде;
- санитарлық-эпидемиологиялық қызмет органдары мен обаға қарсы күрес станциялары өкпе ауруы түріндегі обаның әкелінуі және пайда болуы жағдайындағы дайындығын, клиникалық зертханалар мен обаға қарсы күрес мекемелерінің дайындығын күшейтуде;
- өкпе ауруы түріндегі обаға күдігі бар сырқат анықталған жағдайда, оларды уақтылы ауруханаға жатқызу және емдеу үшін емдеу-алдын алу ұйымдарының дайындығын күшейтуде;
- «М. Айқымбаев атындағы Қазақ карантиндік және зооноздық жұқпалар ғылыми орталығы» республикалық мемлекеттік қазыналық кәсіпорнында референс-зертханасы оба бойынша зерттеулер жүргізуде.