Қазақстан семсерлесуден әлем чемпионатының ширек финалына шығу үшін бақ сынайды

АСТАНА. KAZINFORM – Тбилиси (Грузия) қаласында семсерлесуден әлем чемпионатының кезекті жарыс күні басталды. 

29 шілдеде семсер қаруымен айқасудан командалық жарыстар өтіп жатыр. 

Қазақстан құрамасы әлем чемпионатын 1/16 финал кезеңінен бастады. Бұл кезеңде біздің спортшылар Ресей командасымен кездесіп, жеңіске жетті.

Кирилл Проходов, Руслан Курбанов, Вадим Шарлаимов және Эльмир Әлімжанов қарсыластарын 45:35 есебімен жеңді. 

Келесі айналымда қазақстандық семсерлесушілер Қытай құрамасымен кездеседі.

Еске сала кетейік, бұған дейін жағажай футболынан Қазақстан құрамасы Еуролига ойындарына қатысатынын жазған едік.