Қазақстан студенттері Үндістанның Республика күніне арналған салтанатты шарасына қатысып, Ұлттық Кадет корпусында болып қайтты
елдің Ұлттық Кадет корпусында (ҰКК) тағылымдамадан өтіп келді.
Үндістанның ҰКК мен Қазақстанның жоғары оқу орындары арасында жасалған келісім негізінде және ҰКК-ның шақыртуымен Астанадағы С.Сейфуллин атындағы Қазақ агротехникалық университетінің ректоры Айтбай Бұлашев пен оқу орнындағы әскери кафедраның басшылығы мен студенттері Нью-Дели қаласында болып қайтты.
Сапарлары барысында қазақстандық делегация Үнді еліне құрметтерін білдіріп, Бангладеш, Бруней, Бутан, Непал, Вьетнам, Шри-Ланка, Сингапур, Ресей және Түрікменстаннан келген жоғары әскери оқу орындарының офицерлері мен кадеттерімен бірге Республика күніне арналған мерекелік іс-шараға қатысты.
Одан кейін А.Бұлашев, Үндістан президенті Пратибха Патил ханым мен елдің Қорғаныс министрі Шри Антонимен кездесті. Онымен бірге, өзінің әріптесі ҰКК-ның басшысы, генерал-лейтенант Радж Кумар Карвалмен екі оқу орнының ынтымақтастығын одан әрі дамыту мәселелерін талқылады.
Өз кезегінде қазақстандық студенттер елдің мәдени нысандарында болып, ҰКК-ның дәрістеріне қатысты. Ағылшын тілінде Қазақстан жөнінде ақпарат беріп, ұлттық киімдерді таныстырды. Сонымен қатар шетелдіктердің сүйсіне тамашалайтын - «Қара жорға» биін биледі.
Үндістанның ҰКК офицерлері мен кадеттері алдағы наурыз айында С.Сейфуллин атындағы ҚазАТУ-ға сапар жасайды деп күтілуде.