Қазақстан туризм саласындағы халықаралық сыйлыққа ие болды

АСТАНА. KAZINFORM – Kazakh Tourism компаниясы Сауд Арабиясы, БАӘ, Сербия, Оңтүстік Корея, Оңтүстік Африка, Тайланд және Ирландия елдерінің операторымен бірге Uzakrota Travel Awards сыйлығын иеленді.

Kazakh Tourism таратқан мәліметке сенсек, бұл сыйлық елдің халықаралық туристік аренадағы беделін арттыруға қосқан үлесі үшін беріледі.

Бұл сыйлық номинаттарға Түркияның Ыстамбұл қаласында өткен Uzakrota Travel Summit 2024 халықаралық саммиті кезінде табысталған. Жалпы іс-шарада 40 аталым бойынша жыл сайынғы марапаттар табысталған.

Uzakrota Travel Awards туризм мен саяхат саласындағы теңдессіз жетістіктерді бағалап, дәріптеуді көздейтін халықаралық бастама болып есептеледі. Бұл сыйлық 2010 жылдан бері беріліп келеді. Қазақстан биыл бірінші рет осы сыйлық жеңімпазы атанған.