Қазақстан виза мәселесі бойынша Еуроодақпен ынтымақтастықты жалғастыруға ниетті - Р. Жошыбаев

None
None
АСТАНА.  29 маусым. ҚазАқпарат - Қазақстан  виза мәселесі бойынша Еуропалық одақпен ынтымақтастықты жалғастыруға ниетті.

Бұл туралы бүгін Астанада ҚР дипломатиялық қызметіне 20 жыл толуына орай  құрметті консулдардың қатысуымен өтіп жатқан жиында ҚР Сыртқы істер министрлігінің жауапты хатшысы Рәпіл Жошыбаев мәлім етті.

Оның сөзіне қарағанда, ҚР Үкіметі ЕО-ның барлық 27 мемлекетін азаматтардың виза алуында жеңілдетілген үрдістерді қолданатын елдердің тізбесіне енгізді.

Сондай-ақ, бірлескен жемісті жұмыстардың нәтижесінде ҚР Сыртқы істер министрлігі мен Еуропалық елдер дипломатиялық төлқұжат иелерінің визасыз тәртібі туралы 17 келісімді бекіткен. Сонымен қатар 2 келісімге ЕО-ға кірмейтін Шенген аумағындағы елдермен қол қойылды.

«Жалпы, тәуелсіздік жылдары Қазақстан әртүрлі төлқұжаттар бойынша визасыз тәртіп тұрғысында 56 келісімге қол қойды»,-деді Р. Жошыбаев.

Соңғы жаңалықтар
telegram