Қазақстанда 12 ақпан күні болатын маңызды шаралар аңдатпасы

АСТАНА. KAZINFORM – Kazinform халықаралық ақпарат агенттігі Қазақстанда 12-ші ақпан күні өтетін маңызды шаралар аңдатпасын ұсынады.

22 тамыз күні елімізде өтетін маңызды іс-шаралар аңдатпасы
Фото: Kazinform

АСТАНА 

08-30-да Тәжікстан Республикасының Сыртқы істер министрі Сироджиддин Мухриддиннің Қазақстан Республикасына ресми сапары.

10:00-де Қазақстан Республикасы Парламенті Мәжілісінің пленарлық отырысы.

10:00-де Сенаттың Қаржы және бюджет комитетінің мүшелері «Зейнетақы активтерін басқарудың тиімділігі» тақырыбында дөңгелек үстел отырысын өткізеді.

10:30-да ҚР Президенті Әкімшілігінің Президенттік орталығында «Таза Қазақстан» республикалық акциясын насихаттауға және қазақстандықтардың өскелең ұрпақ арасында экологиялық білімді дамытуға бағытталған «Таңғажайып жануарлар әлемі» атты жаңа балалар көрме алаңының ашылуы өтеді.

11:00-де Астана қаласы бойынша Төтенше жағдайлар департаменті мен тұрғын үй кешендерін күрделі жөндеу бойынша мемлекеттік бағдарламаның операторы «Өркен қала» ЖШС өкілдерінің бірлескен брифингі. Өтетін орны: Республика даңғылы, 32.

15:00-де Қазақстан Республикасы Мәдениет және ақпарат министрлігі Мәдениет комитетінің «Бозоқ» мемлекеттік тарихи-мәдени қорық-мұражайында «Әлихан мен Әйгерімнің саяхаты» атты тарихи комикстің алғашқы шығарылымының тұсаукесері өтеді деп жоспарланып отыр.

15:00-де Қазақстан Республикасында алкогольсіз сусындар мен шырындар өнеркәсібінің қазіргі жағдайы мен даму перспективалары туралы пікірталас.

АЛМАТЫ

15:00-де Алматыдағы Республикалық Достық үйінде Қазақстан халқы Ассамблеясы Республикалық Аналар кеңесі мен «Ариана» Ауғанстан орталығындағы Аналар кеңесінің ұйымдастыруымен «Қазақстан халқы Ассамблеясының 30 жылдығы: Ана мен бала елде тәрбиелі болуы керек» тақырыбында дөңгелек үстел өтеді.

Соңғы жаңалықтар