Қазақстанда 18 мың заңсыз жалдамалы пәтер анықталды
АСТАНА. ҚазАқпарат - ІІМ бастамасымен республика аумағында 2016 жылдың 1 қыркүйегінен жылдың соңына дейін «Учаске» жедел-алдын алу іс-шарасы өткізілді.
Қазақстан Республикасы ІІМ хабарлағандай, 2,4 млн. жеке үй мен 2,5 млн. пәтер тексерілді. Тұрғылықты мекенжайы бойына 123 392 шетел азаматтары анықталып, оның ішінде мерзімі аяқталғаны және елімізден шығарылғаны 7 728 адамды құрады. Сонымен қатар, ҚР азаматтары тарапынан көші-қон заңнамасын бұзу дерегі 27 210-ға жеткен.
2016 жылдың 1 қыркүйегінен жылдың соңына дейін 56 мың жалдамалы пәтерлер тексеріліп, соның 19 917-сі жалдамалы пәтер екендігі анықталды. Салық органдарына 18 088 көрсетілім ұсынылды, яғни 18 мың пәтер салық органдарында рәсімделмеген.
608 қылмыскер және 499 із-түссіз жоғалушылар іздестірілді. Заңсыз айналымдағы 390 атыс қаруы, соны ішінде 32 кесетін құралдар алынды.
