Қазақстанда 25 шілдеде өтетін маңызды оқиғаларға шолу
НҰР-СҰЛТАН
10.00-де «Атамекен» ҰКП ғимаратында «QazMai» брендін дамыту» тақырыбында семинар өтеді. Онда май нарығындағы шикізат импорты, соңғы үрдістер және мемлекеттік қолдау талқыланбақ.
11.00-де ҚР Тұңғыш Президенті – Елбасы кітапханасында «Елбасы және халық» кітабының таныстырылымы өтеді.
12.20-де Орталық коммуникациялар қызметінде ҚР Денсаулық сақтау министрі Елжан Біртанов денсаулық сақтаудағы цифрландыру тақырыбында баспасөз мәслихатын өткізеді.
16.20-да Орталық коммуникациялар қызметінде жеке тұлғаларға салықтық рақымшылық туралы баспасөз мәслихаты өтеді.
АЛМАТЫ
10.00-де Оқушылар сарайында Алматы қаласының білім басқармасы «Мектепке жол» республикалық акциясы аясындағы шаралар туралы брифинг өткізеді.
11.00-де Ақбұлақ базарында «Nur Otan» партиясының Алматы қалалық филиалының бастамасымен «Мобильді «Халыққа көмек» акциясы басталады.