Қазақстанда 47 табиғи монополия субъектісі тексерілді, әлі 40 коммуналды кәсіпорын бар - ҰЭМ
АСТАНА. ҚазАқпарат - Ұлттық экономика министрлігі бүкіл ел бойынша коммуналдық кәсіпорындарды тексеріп жатыр, деп хабарлайды ҚазАқпарат.
Ведомство мәліметінше, бұл жұмыс «Тарифті инвестицияға айырбастау» бағдарламасын іске асыру шеңберінде іске асады.
14-18 тамыз аралығында 18 өңірде 29 табиғи монополия субъектісі қамтылды:
- Астана – «Астана-теплотранзит» АҚ;
- Алматы – «Алматы электр желілері» АҚ;
- Алматы обл. – «Теміржолсу-Алматы» ЖШС;
- Ақтөбе облысы – «Ұлы Борсық» КМК, «Aqtobe su-energy group» АҚ;
- Атырау облысы – «Атырау жылу-электр орталығы» АҚ;
- Қостанай облысы – «Зотобольск ЖЭС» КМК, «ЭПК-forfait» ЖШС, «Қостанай ЖЭС» МКК;
- Ақмола облысы – «Көкшетау Энерго» ЖШС;
- Ұлытау облысы – «Жылумен жабдықтау кәсіпорны» АҚ;
- БҚО – «Батыс Қазақстан аймақтық электржелілік компаниясы» ЖШС;
- СҚО – «Солтүстік Қазақстан Электржелілік Тарату Компаниясы» АҚ;
- Абай облысы – «БЭСК» АҚ;
- Маңғыстау облысы – «Каспи жылу, су арнасы» МКК;
- Қарағанды облысы – «Теплотранзит Қарағанды» ЖШС, «ҚАЭК» ЖШС;
- ШҚО - «Теплоэнергия» МКК, «Өскемен ЖЭО» ЖШС, «Күршім» МКК, «Самар» МКК, «Өскемен жылу желілері» АҚ, «Алтай КомХоз Сервис» КМК;
-Павлодар облысы – «Павлодар Энерго» АҚ, «Горэлектросеть» ЖШС;
- Қызылорда облысы – «Қызылорда Жылу электр орталығы» МКК;
- Жамбыл облысы – «Жамбыл Жылу» МКК, «Таразэнергоорталық» АҚ;
- Түркістан облысы – «Уранқуат» ЖШС.
Жалпы, 20 тамыздағы жағдай бойынша 47 ТМС тексерумен қамтылды.
Объектілерді тексеру барысында бекітілген инвестициялық бағдарлама шараларының уақытылы орындалмағаны анықталды, өткізілмеген конкурстық рәсімдер фактілері бар.
Бұл фактілер жөндеу жұмысы құнының қымбаттауына әкеледі.
Осыған байланысты пайдаланылмаған қаражат тұтынушыларға табиғи монополиялар субъектілеріне қатысты уақытша өтемдік тарифтерді енгізу жолымен қайтарылады.
Барлық ТМС-ке конкурстық рәсімдерді алдын ала жүргізу, сондай-ақ қабылданған міндеттемелерді уақтылы және сапалы орындау қажет.
Табиғи монополияларды реттеу комитеті тамыз айында жергілікті атқарушы органдармен және қоғам белсенділерімен бірлесіп тағы 40 коммуналдық кәсіпорынды тексереді.
