Қазақстанда алғаш рет турникке тартылудан жарыс өтеді

НҰР-СҰЛТАН. ҚазАқпарат - Елімізде алғаш рет 10 шілде мен 6 қыркүйек аралығында Президент жанындағы «Дара» дарындыларды қолдау қорының ұйымдастыруымен мемлекетіміздің бүкіл аймақтарында турникке тартылудан сайыс өтеді, деп хабарлайды ҚазАқпарат.

Жоба жетекшісі - қоғам қайраткері, жаттықтырушы және актер, Street Workout-тан Қазақстан және әлем бойыша бірнеше дүркін рекорд иесі, Street Lifting бойынша Еуропа рекорд иесі, Қазақстандағы Street workout қозғалысының негізін қалаушыларының бірі Айтым Жақыпов.

Street Workout - көшедегі спорт алаңдарында түрлі жаттығу жасайтын көше гимнастикасы. Қатысушы көбірек тартылған сайын жүлде жеңіп алу мүмкіндігі арта түседі.

Жарысқа қатысушылар салмағы мен жас ерекшелігіне қарай 9 категорияда бақ сынайды.

Сонымен қатар, жарыс ресми қазылар алқасының қатысуымен өтеді.

Әр қаладағы 9 категория бойынша жеңімпаздар Нұр-Сұлтан қаласында өтетін гранд-финалға қатысады.

Жарыс қорытындысы бойынша жеңімпаздар әлемдік чемпионатқа жолдама ұтып алады.

Қатысушылар категориясы:

18 жасқа дейін (Junior)

1) салмақ – 55 кг дейін

2) салмақ – 55 кг бастап 70 кг дейін

3) салмақ – 70 кг бастап жоғары қарай

18 жастан 30 жасқа дейін (жастар)

4) салмақ – 65 кг дейін

5) салмақ – 65 кг бастап 80 кг дейін

6) салмақ – 80 кг бастап жоғары қарай

30 жастан жоғары қарай (үлкендер)

7) салмақ– 80 кг бастап;

8) салмақ – 80 кг бастап 90 кг дейін;

9) салмақ – 90 кг бастап жоғары қарай.

Әр қаладағы жүлде қоры:

1 орын 200 000 тг

2 орын 100 000 тг

3 орын 50 000 тг

Гранд финалдың жүлде қоры:

1 орын 3 000 000 тг

2 орын 2 000 000 тг

3 орын 1 000 000 тг.

Гранд финал Нұр-Сұлтан қаласында 8 қыркүйек күні өтеді.

Әр қаладағы сайыс күнтізбесі:

9:00- 11:00 Тіркеуден өту, салмақ өлшеу, қатысушы нөмірін алу

11:00-11:30 - Салтанатты ашылу

11:30- 13:30 - Сайыс

14:00- 15:00 – Жеңімпаздарды марапаттау.

Фестиваль еліміздің 20 қаласында өтеді.

10 шілде республикалық TARTYL FEST спорт фестивалі Алматы облысы Қонаев қаласы «Жағажай» спорт алаңынан басталады.

Өтетін күні және қалалардың тізімі:

Қонаев 10 шілде

Талдықорған 14 шілде

Алматы 17 шілде

Тараз 20 шілде

Шымкент 23 шілде

Түркістан 25 шілде

Қызылорда 27 шілде

Ақтау 31 шілде

Атырау 3 тамыз

Орал 6 тамыз

Ақтөбе 9 тамыз

Қостанай 12 тамыз

Петропавл 15 тамыз

Көкшетау 18 тамыз

Жезқазған 21 тамыз

Қарағанды 24 тамыз

Павлодар 27 тамыз

Семей 30 тамыз

Өскемен 2 қыркүйек

Нұр-Сұлтан 6 қыркүйек

10 шілде күні Алматы облысы Қонаев қаласы «Жағажай» спорт алаңында республикалық TARTYL FEST спорт фестивалі өтеді.