Қазақстанда бүгін қар жауып, көктайғақ болады

АСТАНА. ҚазАқпарат - Атмосфералық ағымдардың өтуіне байланысты республиканың батысында, оңтүстік шығысында, шығысы пен оңтүстігінде қар жаууы мүмкін. Кей жерлерге тұман түсіп, жел күшейеді, батыс аймақтарда көктайғақ болады.

«Қазгидромет» РМК өкілдерінің хабарлауынша, Жамбыл, Оңтүстік Қазақстан, Қызылорда, Атырау, Қарағанды, Шығыс Қазақстан облыстарының бірқатар аймақтарында тұман түсіп, желдің күші секундына 15-20 метрге жетеді. Қызылорда облысында шаңды дауыл көтеріледі.

Ақмола, Алматы, Маңғыстау, Батыс Қазақстан, Қостанай, Павлодар облыстарында түнде және күндіз Солтүстік Қазақстан облыстарының кей жерлерінде тұман түсіп, Батыс Қазақстан облысының бірқатар аймақтарында көктайғақ болады. Ақтөбе облысында желдің күші секундына 18 метрге жетеді.