Қазақстанда мектеп мұғалімдерінің 19 пайызы ғана — ер ұстаздар
АСТАНА. KAZINFORM — ҚР Оқу-ағарту министрлігі ел мектептерінде еңбек етіп жүрген ер педагогтар жайлы мәлімет ұсынды.
Ахмет Байтұрсынұлы атындағы «Талдау» ұлттық зерттеулер және білімді бағалау орталығы мәліметінше, бүгінде еліміздің білім беру ұйымдарында 93 048 ер педагог жұмыс істейді.
Оның ішінде:
13 867 — колледж
76 502 — мектептерде
2 679 — мектепке дейінгі ұйымдарда.
Еске сала кетейік, Қазақстанның білім беру ұйымдарында 469 533 әйел педагог еңбек етеді.
Оның 28 340-ы колледж, 324 596-і мектептерде, 98 434-сы мектепке дейінгі ұйымдарда жұмыс істеп жүр.
