Қазақстанда «Постфактум» кедендік тазарту режімін енгізу жұмыстары жүргізілуде

None
None
АСТАНА. ҚазАқпарат - Қазақстанда «Постфактум» кедендік тазарту режімін енгізу жұмыстары жүргізілуде. Бұл туралы бүгін ҚР Қаржы министрлігінің Мемлекеттік кірістер комитетіне қарасты Кедендік рәсімдер әдістемесі басқармасы бастығының орынбасары Арман Жалитов мәлім етті.

Оның атап өтуінше, «Бес институционалдық реформаны іске асыру бойынша Ұлт жоспары  100 нақты қадам» бағдарламасы аясында ҚР Қаржы министрлігі Мемлекеттік кірістер комитеті «Постфактум» кедендік тазарту режімін енгізу жұмыстарын жүргізуде. Аталған рәсім кедендік шекара арқылы өту кезінде тауарға арналған декларацияны ұсынбастан және ішкі тұтыну үшін енгізгеннен кейін кедендік баждарды, салықтарды төлеуді қоса, осындай декларацияны қажет етпей тауарларды кедендік тазартуды көздейді.

«Қойылған міндеттерді іске асыруда Қазақстан Республикасы тұжырымдамалық түзетулер пакетінде Еуразиялық экономикалық одақ Кеден кодексінің ережелеріне өзгерістер мен толықтырулар енгізу жөнінде ұсыныстар жолдады», - деді ол.

А.Жалитовтің сөзіне қарағанда, аталған түзетулер тауарлар тізбесін, сондай-ақ кедендік декларацияны бергенге дейін тауарларды шығару мүмкіндігі бөлігінде сыртқы экономикалық қызметке қатысушылар санаттарының тізбесін кеңейтуді көздеуді болжайды. 

«ЕАЭО мүше мемлекеттердің барлық тараптарымен талқылау нәтижесінде инвестициялық жобаларды іске асыру аясында әкелінген тауарлар үшін кедендік декларацияны бергенге дейін тауарларды шығару мүмкіндігін ұсыну бөлігінде ЕАЭО Кеден кодексінің жобасы ережелерінің редакциясын пысықтау қолдау тапты», - деді А.Жалитов.

Соңғы жаңалықтар