Қазақстанда соттар рейтингі алынып тасталды

АСТАНА. ҚазАқпарат - Қазақстанның Жоғарғы соты соттар рейтингін алып тастады, деп хабарлайды «ҚазАқпарат» ХАА тілшісі.

«Мұқият талқылаудан кейін соттар рейтингін алып тастау туралы шешім қабылданды. Оның орынына соттың статистикасы мен талдау жүйесін, сонымен қатар жеке бағалауды күшейту ұсынылды», - деп жазады ҚР Жоғарғы сотының баспасөз хатшысы Болат Калиянбеков Фейсбуктегі парақшасына.

Ол бұл мәселені еліміздің судьялар корпусы 15 наурыз күні қарағанын мәлімдеді. Соттағы бағалау жүйесі 2011 жылдан бері жұмыс істейді. Соңғы рет оған 2016 жылы өзгеріс енгізілген.

Сонымен қатар Қазақстанда «Соттағы мәмілеге келу процедуралары» пилоттық жобасы іске қосылғаны айтылды. Жобаға сәйкес арнайы бітімгер судья тағайындалып, даулы мәселе екіжақты мәмілеге келтіру арқылы шешіледі.