Қазақстанда техпаспортты алу кезінде көлікті тексерту қажеттілігі күшін жояды
АСТАНА. ҚазАқпарат - Қазақстанда техпаспортты алу немесе алмастыру кезінде көлікті тексерту қажеттілігі күшін жояды.Бұл туралы бүгін ҚР Ішкі істер министрінің орынбасары Ерлан Тұрғымбаев мәлім етті.
«Егер де бұрын жүргізуші көліктің техникалық паспортын жоғалтып алған болса, мамандандырылған ХҚКО-ларға барып, көлігінің нөмірін, құрылғыларының сәйкестігін тексертуі міндетті еді, қазір ол тек бір өтінішпен бір күннің ішінде техникалық паспортты ала алады», - деді Е.Тұрғымбаев ҚР ІІМ-де өткен баспасөз мәслихатында.
Оның нақтылауынша, көлікті тексерту тек техникалық паспортты жоғалту немесе ауыстыру кезінде ғана алынып тасталады.
