Қазақстанда ҰБТ-2014 тапсыруға 92 мың түлек дайындалуда - А.Сәрінжіпов
АСТАНА. ҚазАқпарат - Биылғы жылы Ұлттық бірыңғай тестілеуді тапсыруға қазақстандық түлектердің 72% немесе 92 мыңы дайындалуда, деп хабарлады бүгін Үкімет отырысында ҚР білім және ғылым министрі Аслан Сәрінжіпов. Бұл туралы primeminister.kz сайтында хабарланды.
«Ағымдағы жылы 133 мың түлектен ҰБТ тапсыруға 92 мың немесе 72% тіркелді. Қазақ тілінде ҰБТ-ді 64 мың түлек, орыс тілінде - 28 мың тапсырады», - деді А.Сәрінжіпов.
«Алтын белгі» алуға, министрдің мәліметінше, 4 400 түлек үміткер. «ҰБТ 2 маусымнан бастап 8 маусымға дейін 155 арнайы жабдықталған пункттерде өтеді. Барлық пункттерде штабтар мен мемлекеттік комиссиялар қалыптастырылған», - деп атап өтті БҒМ басшысы.
