07:27, 29 Мамыр 2024 | GMT +5
Қазақстанда вагон өндірісі айтарлықтай өсті
АСТАНА. KAZINFORM — Осы жылдың алғашқы төрт айында теміржол көлігі өндірісінің едуәір өсімі байқалды. Мәселен, 2024 жылдың қаңтар-сәуір айлары аралығында дизель локомотивтерінің өндірісі 20 болды, бұл өткен жылдың сәйкес кезеңімен салыстырғанда 2 есе көп.
Сонымен қатар, вагондар өндірісі өсті.
Осы жылдың алғашқы төрт айында 50 теміржол, трамвай, өздігінен жүрмейтін, жолаушылар, багаж және басқа да арнайы мақсаттағы вагондар шығарылды.
Бұл өткен жылдың қаңтар-сәуір айларымен салыстырғанда 8,3 есе көп.
Сондай-ақ, 2024 жылдың қаңтар-сәуір айларында 400 жүк вагоны өндірілді, ал өткен жылдың тиісті кезеңінде барлығы 9 вагон ғана құрастырылған.