Қазақстанда жаңа ұялы байланыс операторы пайда бола ма
АСТАНА. KAZINFORM — ҚР Цифрлық даму, инновациялар және аэроғарыш өнеркәсібі министрі Жаслан Мәдиев Қазақстанда жаңа ұялы байланыс операторының пайда болу мүмкіндігі туралы пікір айтты.
Оның айтуынша, қазіргі кезде жаңа операторға қатысты мәселе көтеріліп жатқан жоқ.
- Қазір ондай жұмыстар жүргізіліп жатқан жоқ. Өйткені бізде ратификацияланған халықаралық келісімдер бойынша тиісті шектеулер бар. Сондықтан, Қатардан бізге инвестор келген кезде, біз нарықты қорғау бойынша белгілі бір міндеттеме алдық, - деп түсіндірді Ж. Мәдиев Парламент Мәжілісінде тілшілер сұрағына жауап бере отырып.
Еске салсақ, Tele2 мен ALTEL қатарлық инвесторға 1 миллиард долларға сатылатыны мәлім болды.
Power International Holding инфрақұрылымға шамамен 300 млрд теңге қаражат бөледі. Оған қоса, базалық станцияларды салу, 5G базалық станцияларын орнату бойынша міндеттемелер бар.
