19:52, 02 Наурыз 2025 | GMT +5
Қазақстандық альпинистер Килиманджаро шыңын бағындырды
АСТАНА. KAZINFORM – Қазақстандық альпинистер командасы Африканың ең биік нүктесі – Килиманджаро тауына (5 895 м) шықты.
Олар бұл жетістіктерін Қазақстан халқы Ассамблеясының 30 жылдығына арнады. Спортшы Мақсұт Жұмаев бастаған құрамында түрлі этнос өкілдері бар альпинистер командасы аяз бен қатты желге қарамастан биік таудың шыңын бағындырып отыр.
– Бұл экспедиция жай ғана шыңға өрмелеу емес. Бұл шыдамдылық пен табандылықтың арқасында армандарға жетуге болатынын дәлелдеу десе де болады, - деп жазды қазақстандық альпинистер Instagram парақшасында.
Еске сала кетейік, бұған дейін 44 жастағы отандасымыз Жәмила Баширова Эверест шыңын бағындырғанын жазған едік.
