Қазақстандық көкпаршылар ширек финалда АҚШ командасын ұтты
АСТАНА. KAZINFORM - Көкпардан Қазақстан құрамасы ширек финалда АҚШ құрамасын 12:4 есебімен ұтты, деп хабарлайды ҚазАқпарат тілшісі.
Көкпар төрешісі Ілімша Әлтаев бұл дәстүрлі спорт түрі Қазақстанда танымал екенін атап өтті.
– Көкпар Қазақстанда, әсіресе оңтүстік өңірлерінде дамыған спорт түрі. Өйткені ондағы климат мұндай жарыстардың жиі өткізілуіне мүмкіндік береді. Көкпар ойындары Қырғызстанда да өте танымал. Бұл дүбірлі додаға Өзбекстаннан мықты команда келді. Қырғызстан фавориттердің бірі саналады, олар финалға шығып, біздің қазақстандық ойыншылармен кездеседі деп ойлаймын. Олардың жылқылары өте жақсы жағдайда. Меніңше, бұл ойын жоғары деңгейде өтеді деп ойлаймын. Кімнің жеңетінін тек алаң көрсетеді», - дейді ол.
Айта кетейік, турнирге қатысу үшін Қырғызстан өз жылқыларын әкелсе, қалған командалар оқу-жаттығу жиындарының барлығында қазақ жылқыларын мінеді.
Естеріңізге сала кетейік, кеше Қазақстан құрамасы көк бөріден іріктеу кезеңінде АҚШ құрамасын 18:0 есебімен жеңген болатын.
