Қазақстандық мергендер Финляндияда 7 медаль жеңіп алды

АСТАНА. KAZINFORM – Нысана көздеуден Қазақстан командасы Финляндияның Инкоо қаласында өтіп жатқан Гран-при турнирінде 7 медаль жеңіп алды. 

Ұлттық олимпиадалық комитеттің хабарлауынша, спортшылар жылжымалы нысана көздеуден үздік нәтиже тіркеді. 

Олар:

– Зухра Ирназарова – алтын мен күміс

– Фатима Ирназарова – күміс пен қола

– Александра Садуақасова – алтын мен қола

– Асадбек Нәзірқұлов - алтын.

Еске сала кетейік, бұған дейін садақ атудан Қазақстан әйелдер құрамасы Антальядағы іріктеу турниріне қатысатынын хабарлаған едік.