Қазақстандық спортшылар жағажай волейболынан Азия чемпионатының 1/4 финалына шықты

АСТАНА. KAZINFORM – Қазақстан құрамасының волейболшылары Дмитрий Яковлев пен Сергей Богату Филиппинде өтіп жатқан Азия чемпионатының 1/8 финалында жеңіске жетті. 

Ұлттық олимпиадалық комитеттің мәліметінше, бұл кезеңде отандастарымыз Индонезия жұбына қарсы ойнаған. 

Кездесу Қазақстан құрамасының пайдасына 2:1 есебімен аяқталды. Осылайша, Яковлев пен Богату Азия чемпионатының 1/4 финалына жолдама алды.

Еске сала кетейік, бұған дейін Қазақстанның екі спортшысы жағажай волейболынан өтіп жатқан Азия чемпионатының 1/8 финалына шыққанын хабарлаған едік.