Қазақстандық жүзушілер Азия чемпионатында ел рекордын жаңартты

АСТАНА. KAZINFORM — Қазақстан құрамасы жүзуден Үндістанның Ахмедабад қаласында өтіп жатқан Азия чемпионатында ел рекордын жаңартты, деп хабарлайды ҚР ҰОК баспасөз қызметі.

Әділбек Мусин, Ғалымжан Балабек, Софья Сподаренко және София Әбубәкірова 4х100 метрге еркін стильде жүзуден аралас эстафетада үшінші орынға ие болды.

Олар 3:35.36 нәтижесімен мәре сызығын кесіп, Қазақстан рекордын жаңартты.

Айта кетейік, қазақстандық жүзуші Әділбек Мусин Үндістанның Ахмедабад қаласында өтіп жатқан Азия чемпионатында жеңімпаз атанды.