Қазақстандықтар Айдың тұтылуын бақылап отыр
АСТАНА. KAZINFORM — Фесенков атындағы астрофизика институты мамандарының мәліметінше, 7 қыркүйек күні сағат 21:26-да Ай Жердің жартылай көлеңкесіне ене бастады.
Толық фаза 22:29-да басталып, 23:53-те аяқталады. Ал тұтылудың өзі 8 қыркүйек сағат 00:56-да толық аяқталады.
Ай толық фазада 1 сағат 22 минут болады және қызғылт түске боялуы мүмкін. Қазақстандықтар 2022 жылдан бергі ең ұзақ Айдың тұтылуын 5,5 сағат бойы бақылайды.
Тұтылу кезінде Ай сұр-қызыл реңкке ие болуы мүмкін, адамдар оны «Қанды Ай» деп атайды. Астрономдар бұл құбылысты физика және атмосфералық оптика заңдарымен түсіндіреді.
- Бұл Рэлейдің шашырауы деп аталатын белгілі құбылыс: қысқа жарық толқындары (көк және жасыл) Жер атмосферасында шашыраңқы, ал ұзындары (қызыл және қызғылт сары) одан әрі өтіп, сынады, Айдың бетіне жетеді. Негізінде бұл әсер күн батқандағы қызыл түске ұқсайды және мұнда мистикалық ассоциациялар жоқ, - дейді сарапшылар.
Ресейдің еуропалық бөлігінің тұрғындары күннің жартылай тұтылуын көре алатынын жазған едік.
