Қазақстандық боксшылар Самарадағы халықаралық турнирде бақ сынайды

АСТАНА. ҚазАқпарат - Келесі аптада Ресейдің Самара қаласында екі дүркін Олимпиада чемпионы Олег Саитовтың жүлдесіне бокстан халықаралық турнир басталады, деп хабарлады Самара техникалық университетінің сайтында.

Өңірлік спорт министрлігінің қолдауымен «Политех-СамМТУ» боксшылар клубының бастамасы бойынша өткізілетін турнирге Қазақстан, Әзербайжан, Ресей, Ирландия өкілдері қатысады. Шаршы алаңда барлығы 60-қа жуық бокшсы бақ сынайды. Турнирдің құрметті қонақтары - бокс бойынша Олимпиада чемпионы Гайдарбек Гайдарбеков, Олимпиадалық ойындар жүлдегері Райымкул Малахбеков, әлемнің, Еуропаның бірнеше дүркін чемпионы Евгений Макаренко. 23 шілдеде ашылатын турнир Самара мемлекеттік техникалық университетінің спорт кешенінде өтеді.