13:16, 11 Қаңтар 2010 | GMT +5
Қазақстандық кәсіпкерлер Францияда өтетін бизнес-форумға қатысады
АЛМАТЫ. Қаңтардың 11-і. ҚазАқпарат /Әділет Мұсахаев/ - Қазақстандық кәсіпкерлер ақпан айының 7-сі мен 11-і күндері Парижде өтетін бизнес-форумға қатысады,

деп хабарлайды ҚазАқпарат.
Форумда негізінен ауылшаруашылық саласы бойынша ынтымақтастықты дамыту, азық-түлік өнімін қайта өңдеу және қаптау, мақта өндіру, текстиль мен энергетика саласы, минералды шикізат сияқты тақырыптар талқыланады.
Францияда өтетін бұл бизнес-форум Париж бен Ыстамбұл қалаларының сауда-өнеркәсіп палатасының қолдауымен өтпек. Осы шара барысында қазақстандық кәсіпкерлерге франциялық компаниялармен бірлесіп жұмыс істеу үшін дербес келісімдер жүргізуге мүмкіндіктер тумақ.
Қазақстандық делегаттарды Алматы қаласының сауда-өнеркәсіп палатасы жасақтап апарады.