Қазақстандық психолог келтірген ерлі-зайыптылардың басты міндеттері

None
None
АСТАНА. ҚазАқпарат - ҚР «Қазақ психологиялық қоғамы» бірлестігінің мүшесі, психолог Қанапияева Балжан Нұрғалиқызы келтірген ерлі-зайыптылардың бір-бірінің алдындағы, сондай-ақ өзіне қатысты басты міндеттерді anabol.kz сайты оқырман назарына ұсынды.

Ер адамның міндеттері:

1.Отбасының барлық қажеттіліктерін қамтамасыз ету үшін еңбек етуге міндетті.

2. Алыс сапарға шығарда үй іші тарықпас үшін қажетті заттармен қамтамасыз етуге міндетті.

3. Отбасында діни және адамгершілік міндеттердің орындалуына ұйытқы болуға жауапты.

4. Әйеліне жұмсақ, мейірімді болуы, дөрекілік жасамауы, ренжітпеуі шарт.

5. Әйеліне намсысын аяқ асты етпей, қадірін сақтауға міндетті. Аяғы келеңсіздікке апаратын істен сақтандырғаны жөн.

6. Сөзімен де ісімен де әйелінің жаратылысын, мінезін келемеждеуіне оған күш көрсетіп, қоқан-лоққы жасауына, туған-туыстарын балағаттап қорлауына, кемсітуіне рұқсат жоқ.

7. Бір жаққа кетерінде қайда баратынын әйеліне ескертуі тиіс.

Әйел адамның міндеттері:

1.Күйеуіне сүйіспеншілікпен, құрметпен қарап, оған бағынуы, үй шаруасында, бала тәрбиесінде жұбайына көмектесуі қажет.

2. Үнемшіл болуы керек. Жұбайының тапқанын ысырап етпей, үйге ие болуға тиісті.

3. Үйін, отбасын ойлап, оның намысын қорғауға міндетті.

4. Күйеуіне қарсы шықпайды, шайпау мінез көрсетпейді, бір жаққа шығарда күйеуінен рұқсат алады.

5. Басқа еркекке көз салмау.

6. Ерінің ықтиярынсыз оның мүліктерін, ақшасын, басқа да нәрселерін өзгелерге бере алмайды.

7. Ерінің тапқанын қанағат тұтады. Ерінен артық нәрселерді талап етпейді.

Бала тәрбиесіндегі ата-ананың міндеттері:

1.Балаларды дені сау етіп өсіру, олардың тән, жан саулықтарын қорғау.

2. Балаларына арам нәрселерді жегізбеу.

3. Балаларына жақсы ат қою.

4. Балаларын жақсылап тәрбиелеп, оларға үлгі болу.

5. Балаларына діни және адамгершілік міндеттерді үйрету.

6. Балаларын оқытып, күнін көре алатындай мамандық иесі етіп шығару.

7. Балаларды жақсы көріп, оларға қашанда көңіл бөлу.

8. Балаларын жақсы көре отырып, оларға сыйлық бергенде алаламау, тең көру және әділетті болу.

9. Ержеткен балаларын үйлендіру.

Соңғы жаңалықтар
telegram