Қазақстандық теннисшілер әлемдік рейтингтегі көрсеткіштерін жақсартты

АСТАНА. ҚазАқпарат – Кәсіби теннисшілер қауымдастығы (ATP) жария еткен әлемдік рейтингте қазақстандықтардың орны анықталды, деп хабарлайды ҚазАқпарат тілшісі.

Дүниежүзілік рейтингте көш басында бұрынғыша испаниялық Карлос Алькарас, сербиялық Новак Джокович, ресейлік Даниил Медведев келеді.

Қазақстанның бірінші ракеткасы Александр Бублик Уимблдон турнирінің төртінші айналымына дейін жеткенімен, 26-дан 27-ге сырғыды.

Есесіне Тимофей Скатов 138-ден 134-ке, Михаил Кукушкин 262-ден 223-ке, Бейбіт Жұқаев 243-тен 242-ге көтерілді.

Жұптық сында Уимблдон чемпионы атанған британиялық Нил Скупски мен нидерландылық Уэсли Колхоф бастапқы екі сатыдан көрінсе, америкалық Остин Крайчек үздік үштікті түйіндеді.

Қазақстандықтардан Александр Недовесов 48-ден 53-ке төмендесе, Андрей Голубев 88-ден 82-ге жоғарылады.

Қазақстандық теннисшілер осы аптада өтетін жарыстарда сәтті өнер көрсетсе, рейтингтегі көрсеткіштерін жақсарта алады.

Еске сала кетейік, бұдан бұрын Жібек Құламбаеваның Рим турнирінің жеңімпазы атанғанын жазған болатынбыз.

Сондай-ақ Карлос Алькарас Уимблдонда Новак Джоковичті жеңіп, чемпион атанды.

Жібек Құламбаева әлемдік рейтингте жоғары көтерілді.