Қазақстандықтарға кез келген мамандандырылған ХҚКО-да жүргізуші куәлігі беріледі

АСТАНА. ҚазАқпарат - 7 маусымнан бастап «Азаматтарға арналған үкімет» мемлекеттік корпорациясының мамандандырылған ХҚКО-ларында қазақстандықтар автомектептерде оқымай және тұрғылықты жеріне тіркелместен жүргізуші куәліктерін ала алатын өзгерістер күшіне енді. Жаңа қағидалар «А» және «В» санатындағы, сондай-ақ «А1» және «В1» кіші санатындағы жүргізуші куәліктеріне таратылады, деп хабарлайды мемлекеттік корпорациясының баспасөз қызметі.

Азаматтар үшін жүргізуші куәліктер алу процедураларын жеңілдетін өзгерістер көлік құралдарын тіркеу және есепке алу қағидаларын бекіту туралы бұйрыққа енгізілді.   «Егер бұрын мысалы, сіз Петропавл қаласында тіркелген болсаңыз, жүргізуші куәлігін ауыстыру үшін тұрақты тіркелген жеріңізге баруыңыз керек еді, енді сіз өзіңізге ыңғайлы қаланың мамандандырылған ХҚКО-да ала аласыз», - деді «Азаматтарға арналған үкімет» мемлекеттік корпорациясы» КЕ АҚ төрағасының орынбасары Нұрбек Оршубеков. - «Жаңа өзгеріс қызметті алушылардың уақыты мен қаржысын маңызды үнемдеуге мүмкндік береді».

Жүргізуші куәлігін алу үшін 083/У нысанындағы медициналық анықтаманы ұсынылады. Сондай-ақ медициналық тексеруді мамандандырылған ХҚКО-лардың ғимаратында өтуге болады, онда бұл үшін арнайы медициналық кабинеттер, сондай-ақ психиатр мен нарколог жұмыс істейді.    

Үміткер жүргізуші куәлігін алғаш рет алған кезде екі емтихан тапсырады.  40 сұрақтан тұратын теориялық емтихан және автодромда 12 жаттығудан тұратын практикалық емтихан. Әрбір үміткердің емтиханды 3 ретке дейін тапсыруға мүмкіндігі бар. Әрекеті үш рет сәтсіз болған жағдайда, кандидат соңғы емтихан өткізілген күннен бастап алты айдан кейін келесі емтиханға жіберіледі.

Еске сала кетсек, елімізде 11 мамандандырылған халыққа қызмет көрсету орталығы жұмыс істейді, олар Астана, Алматы, Қарағанды, Тараз, Ақтау, Павлодар, Петропавл, Қызылорда, Талдықорған, Қостанай және Ақтөбе қалаларында. Жылдың басынан бастап жүргізуші куәліктерін беру бойынша 94 636 қызмет көрсетілді.