Қазақстанға тауар әкелуде геосаяси жағдай қалай әсер етіп жатыр

НҰР-СҰЛТАН. ҚАЗАҚПАРАТ – Елімізге сырттан тауар жеткізуде қазіргі геосаяси жағдайдың әсері қандай? Бұл мәселеге қатысты ҚР Сауда және интеграция министрлігінің техникалық реттеу және метрология комитеті төрағасының орынбасары Қуаныш Елікбаев түсінік берді, деп хабарлайды ҚазАқпарат тілшісі.

«Геосаяси жағдайға байланысты тауар тасымалдау мен жеткізуде өзгеріс болып жатыр. Яғни, сырттан келетін тауарлардың түпкілікті құны, көлемі және жеткізу бойынша өзгерістер байқалып отыр. Бүгінде көрші елдерде тұтыну тауарлары, химиялық заттар мен жабдықтар жетіспеушілігі бар. Сондықтан кәсіпкерлер маршруттардың өзгеретінін айтып жатыр. Кәсіпкерлер бұған дейін тауарларды Ресейден сатып алса, ендігі уақытта Батыс және басқа да елдерден әкелуге мәжбүр», - деді Қуаныш Елікбаев БАҚ өкілдерімен өткен баспасөз мәслихатында.

Сондай-ақ, комитет басшысының орынбасары логистика бойынша да соңғы уақытта жағдайдың өзгергенін тілге тиек етті.

Бұған дейін Қырғызстаннан тұрмыстық электр құралдарын заңсыз әкелгендерге 1,8 млн теңге айыппұл салынғаны айтылды .

Одан бөлек, Қазақстанға сырттан келетін тауарларға бақылаудың қалай жүретіні түсіндірілді .