Қазақстанның бірқатар өңірінде тұман түсіп, көктайғақ болады

АСТАНА. KAZINFORM — «Қазгидромет» РМК 17 наурызда еліміздің бірнеше өңірінде дауылды ескерту жасады.

Павлодар облысының батысында, солтүстігінде тұман, көктайғақ күтіледі. Оңтүстіктен жел соғады, күндіз облыстың батысында, оңтүстігінде екпіні 15-20 м/с. Павлодар қаласында 17 наурызда тұман, көктайғақ болады.

Күндіз Маңғыстау облысының батысында, орталығында шаңды дауыл күтіледі. Түнде және таңертең облыстың оңтүстігінде тұман күтіледі. Оңтүстік-шығыстан, оңтүстіктен жел соғады, таңертең және күндіз облыстың батысында, орталығында 15-20 м/с күтіледі. Ақтау қаласында күндіз шаңды дауыл күтіледі. Оңтүстік-шығыстан, оңтүстіктен жел соғады, күндіз екпіні 15-20 м/с жетеді.

Түнде және таңертең Ақтөбе облысының шығысында тұман күтіледі. Оңтүстіктен, оңтүстік-шығыстан жел соғады, түнде облыстың солтүстігінде, күндіз солтүстігінде, батысында екпіні 15-20 м/с.

17 наурызда Солтүстік Қазақстан облысында түнде облыстың батысында, солтүстігінде жауын-шашын (жаңбыр, қар), күндіз жауын-шашын (көбінесе жаңбыр) күтіледі. Облыстың батысында, солтүстігінде көктайғақ күтіледі. Облыстың батысында, солтүстігінде, оңтүстігінде тұман күтіледі. Оңтүстік-батыстан жел соғады, күші 15-20, облыстың батысында, солтүстігінде, оңтүстігінде екпіні 23-28 м/с. Петропавл қаласында 17 наурызда жауын-шашын (көбінесе жаңбыр) күтіледі. Көктайғақ, тұман күтіледі. Оңтүстік-батыстан жел соғады, күші 15-20, күндіз екпіні 23-28 м/с.

Түнде және таңертең Шығыс Қазақстан облысының солтүстігінде тұман күтіледі. Өскемен қаласында 17 наурызда түнде және таңертең тұман күтіледі.

Батыс Қазақстан облысының батысында, солтүстігінде, шығысында тұман күтіледі. Жел оңтүстік-батыстан солтүстік-шығысқа ауысып соғады, күндіз екпіні 15-20 м/с. Орал қаласында 17 наурызда тұман күтіледі. Жел оңтүстік-батыстан солтүстік-шығысқа ауысып соғады, күндіз екпіні 18 м/с.

Абай облысының солтүстігінде, орталығында жел шығыстан, оңтүстік-шығыстан соғады, күші 15-20, күндіз екпіні 25 м/с барады.

Түнде және таңертең Атырау облысының батысында, оңтүстігінде тұман күтіледі. Оңтүстіктен, оңтүстік-батыстан жел соғады, облыстың батысында, солтүстігінде 15-20 м/с барады.

Астана қаласында 17 наурызда таңертең және күндіз жаңбыр күтіледі. Тұман, түнде және таңертең көктайғақ болады. Оңтүстіктен, оңтүстік-батыстан жел соғады, екпіні 15-20 м/с.

17 наурызда Ақмола облысының батысында, солтүстігінде, шығысында түнде жауын-шашын (жаңбыр, қар), күндіз жаңбыр күтіледі. Облыстың батысында, солтүстігінде, шығысында тұман, көктайғақ күтіледі. Оңтүстіктен, оңтүстік-батыстан жел соғады, облыстың батысында, солтүстігінде, шығысында 15-20, екпіні 25 м/с. Көкшетау қаласында 17 наурызда күндіз жаңбыр күтіледі. Көктайғақ болады. Оңтүстік-батыстан жел соғады, екпіні 15-20 м/с жетеді.

Қостанай облысында түнде облыстың солтүстік жартысында жауын-шашын (жаңбыр, қар), қөқтайғақ, күндіз облыстың солтүстік жартысында жаңбыр күтіледі. Облыстың батысында, оңтүстігінде, шығысында тұман күтіледі. Оңтүстік-батыстан жел соғады, екпіні 15-20 м/с. Қостанай қаласында түнде жауын-шашын (жаңбыр, қар), қөқтайғақ, күндіз жаңбыр күтіледі. Оңтүстік-батыстан жел соғады, екпіні 15-20 м/с.

Қарағанды облысының батысында, солтүстігінде, шығысында кей уақытта тұман, жолдарда көктайғақ күтіледі. Оңтүстіктен, оңтүстік-шығыстан жел соғады, таңертең және күндіз облыстың батысында, солтүстігінде екпіні 15-18 м/с жетеді.

17 наурызда Ұлытау облысының батысында, солтүстігінде, шығысында кей уақытта тұман күтіледі.

Бұған дейін Қазақстанның 13 өңірінде ауа райына байланысты ескерту жарияланды.