Қазақстанның халықаралық іс-шаралар өткізуде тәжірибесі мол – ҚХР-дың бұрынғы елшісі

АСТАНА. ҚазАқпарат – 2025 жылы Қазақстанда «Орталық Азия + Қытай» ІІ саммитін өткізу халықаралық қоғамдастықтың назарын аудартады. Бұл туралы Қытай халықаралық зерттеу қорының ғылыми қызметкері, ҚХР СІМ жанындағы Азия мен Африка даму және алмасу кеңесінің мүшесі, Қытайдың Қазақстандағы бұрынғы елшісі Яо Пэйшэн айтты.

Қытай сарапшысының айтуынша, соңғы жылдары Орталық Азия елдері үшін экономикалық даму мен өз азаматтарының өмір сүру сапасын жақсарту басты басымдық болып тұр.

- Орталық Азияның барлық елі өңірден тыс инвестицияларды белсенді түрде тартып, сонымен бірге өңірішілік экономикалық байланысты нығайта түсуі қызықты үрдіс. Өңірде саяси тұрақтылық сақталып, Орталық Азияның бес елі арасындағы өзара байланыс күшеюде және өзара сенім деңгейі артып келеді, - деп атап өтті Яо Пэйшэн.

Мұнан ары ол 2022 жылы "Орталық Азия – Қытай" ынтымақтастық тетігін құру туралы ақпарат халықаралық қатынастардағы маңызды оқиға болғанын айтады. 

- Бұл тетікті құру жаңашыл және инновациялық сипатқа ие әрі Азияға, тіпті халықаралық ландшафтқа тарайтын үлкен әсер береді. «Орталық Азия - Қытай" екінші саммитін өткізу – Қазақстан үшін осы жылғы маңызды дипломатиялық оқиға. Ол міндетті түрде халықаралық қоғамдастықтың назарын аударады. Қазақстан көптеген халықаралық ірі іс-шараны табысты өткізуді мол тәжірибе жинақтады. Қазақстанда "Орталық Азия - Қытай" екінші саммиті жоғары ұйымдастырушылық деңгейде өтетініне сенімдімін", - деп түйіндеді сөзін Яо Пэйшэн.

Айта кетейік, Қытай Сыртқы істер министрлігі Трамп-Путин келіссөзіне пікір білдірді.