Қазақстанның қай қаласында пәтер қанша тұрады

АСТАНА. KAZINFORM – 2025 жылдың маусым айында тұрғын үй нарығындағы ең жоғары баға Алматыда тіркелді. Ұлттық статистикалық бюроның мәліметінше, мұнда жаңа баспананың бір шаршы метрінің құны 647 728 теңге, ал қайталама нарықта 681 923 теңге.

Екінші ең қымбат қала – елорда. Астанада жаңа ғимараттың шаршы метрі орта есеппен 593 764 теңге болса, қайталама нарықта 642 702 теңгені құрайды. 

Атырауда жаңа тұрғын үйдің шаршы метрі 512 205 теңге, ал қайта сатылатын тұрғын үй 482 711 теңгеге бағаланды. 

Шымкентте жаңадан салынып жатқан ғимараттардың құны орташа есеппен шаршы метріне 502 636 теңгеге жуықтап отыр. Қайталама нарықта баспана арзанырақ – 438 290 теңге.

Алғашқы бестікті Семей түйіндеп тұр. Мұнда жаңа баспананың шаршы метрі 453 834 теңге болса, қайталама нарықта 430 943 теңге болды.

Қалалардың толық тізімі мен бағасын мына жерден қарауға болады.